لاہور( این این آئی)پنجاب میں متعدد منصوبوں پر کام جاری ہیں تاہم چینی انجینئرز نے 1300 میگاواٹ کول پاور پراجیکٹ کے منصوبے کو تیزی سے تکمیل کی طرف بڑھنے کے باعث دنیا کا تیز ترین منصوبہ قرار دیتے ہوئے اس پر برق رفتاری سے کام ہونے کا کریڈٹ وزیراعلیٰ شہبازشریف کو دیا ہے ۔ قبل ازیں قائداعظم سولر پارک کا منصوبہ بھی اسی جذبے اور برق رفتاری سے مکمل کیا گیا ہے۔ اسی طرح پنجاب حکومت بھکی، شیخوپورہ میں بھی اپنے وسائل سے گیس کی بنیاد پر 1180 میگاواٹ کا پاور پلانٹ کا منصوبہ لگا رہی ہے اوریہ منصوبہ اگلے برس کے اختتام تک مکمل ہوگااورمنصوبے کی تکمیل سے سستی بجلی ملے گی۔ ماہرین کا کہنا ہے کہ توانائی منصوبوں کی تکمیل سے آئندہ 2 سالوں میں ملک سے اندھیرے چھٹ جائیں گے اور ترقی و خوشحالی کا دور دورہ ہوگا۔