پشاور(این این آئی)وزیراعظم کے مشیرانجینئرامیرمقام نے کہاہے کہ پاکستان تحریک انصاف کواپنے ناکام جلسے سے اندازہ ہوگیا ہوگاکہ بلدیاتی انتخابات کی طرح سوات کے عوام نے ایک بارپھرعمران خان اوراسکے پورے ٹیم مستردکردیا۔انہوں نے کہاکہ صوبائی حکومت کی پوری مشینری سمیت پی ٹی آئی کی پوری قوت استعمال کرکے بھی پاکستان مسلم لیگ(ن)کی جلسے کی1/10حصہ عوام بھی جمع نہ کرسکے۔انہوں نے کہاکہ جس یونیورسٹی کی افتتاح پرعمران خان اوروزیراعلیٰ کریڈٹ لے رہے ہیں اس یونیورسٹی کاافتتاح آج سے7سال قبل سابق وزیراعلیٰ امیرحیدرہوتی نے کیاتاہم دوبارہ افتتاح سوات کے عوام کی آنکھوں میں دھول جھونکنے کی ناکام کوشش ہیں۔انجینئرامیرمقام نے کہاکہ وزیراعلیٰ پرویزخٹک وہ دن یادرکھے کہ وزیراعظم نوازشریف کی مردان آمدپر PML-Nمیں شمولیت اختیارکرنے کیلئے منتیں کررہے تھے،پروزخٹک صاحب کی اب بھی ہمدردیاںPML-Nکیساتھ ہیں جنہوں نے گزشتہ سینٹ الیکشن میں PTIکے56ووٹ پاکستان مسلم لیگ(ن)کے حق میں استعمال کرائے تھے۔انہوں نے کہاکہ عمران خان سواتی عوام کیلئے کسی قسم ریلیف کااعلان نہ کرسکے جبکہ وزیراعظم نوازشریف کے ایکسپریس وے ودیگر اعلانات پرتنقیدکررہے ہیں مگرخان صاحب کوعلم ہوناچاہئے کہ سوات کے عوام کیساتھ نہ انکی طرح ہیلی کاپٹرہے اورنہ جہانگیرترین جیساATMکارڈکہ انہیں ہیلی کاپٹرمہیاکرسکے۔انہوں نے کہاکہ اگر خوامخواہ یونیورسٹی افتتاح کاڈرامہ رچاناتھاتووزیراعلیٰ صاحب یونیورسٹی کی کسی ایسے شعبے کاقیام عمل میں لاتے جس میں انکے MPAsاور MNAsایک گھنٹے میں تین تین پرچے حل کرکے مزیدریکارڈقائم کرلیتے۔انجینئرامیرمقام نے کہاکہ عمران خان اورانتظامیہ نے جب ناکام جلسے کامشاہدہ کیاتوحواس باختہ ہوکرقومی ترانہ شروعات کی بجائے اختتامی مراحل میں پڑھایاگیا۔انہوں نے کہاکہ جلسے میں”گوخٹک گو”کے نعرے نے واضح کیاکہ آئندہ عام انتخابات میں پاکستان تحریک انصاف پتلی گلی ڈھونڈیں گے۔انہوں نے کہاکہ پاکستان تحریک انصاف عوام کے پیسوں پربنائے گئے املاک پرسیاسی سکورنگ کرتے ہیں جبکہ ہم نے پنجاب حکومت اورٹرسٹ کی تعاون سے کڈنی ہسپتال قائم کیاجوسوات کے عوام کاایک دیرنہ مطالبے کیساتھ ساتھ انتہائی اہم منصوبہ تھامگرہم نے اس پرکبھی سیاست نہیں چمکائی یہ عوام کاحق تھا۔انہوں نے کہاکہ عمران خان آف شورکمپنیوں کے حوالے سے عوام کووضاحت دینے میں ناکام ہوگئے ہیں عوام عمران خان کے احتساب کیلئے جلدسڑکوں پرنکلے گی۔