کراچی (نیوز ڈیسک) ماسکو میں پھنسے بھوکے پیاسے پاکستانیوں کی مشکل آسان ہو گئی، ماسکو سے دبئی کیلئے روانہ ہو گئے، آج رات کراچی پہنچیں گے، اہلخانہ آواز اٹھانے پر نجی ٹی وی کے شکر گزار۔تفصیلات کے مطابق نجی ٹی وی کی کوششیں رنگ لے آئیں، ماسکو ایئر پورٹ پر پھنسے پاکستانیوں کو بورڈنگ پاس جاری ہو گئے۔ پاکستانی شہری ای کے 134 کے ذریعے ماسکو سے دبئی کیلئے روانہ ہو گئے۔ دبئی سے تمام افراد کو آج رات کراچی لایا جائے گا۔ کراچی کے مسافر ای کے 604 کے ذریعے جمعرات اور جمعہ کی درمیانی شب کراچی پہنچیں گے۔ لاہور کے مسافر ای کے 624 کے ذریعے لاہور لائے جائیں گے۔ اسلام آباد کے مسافر پی کے 7640 کے ذریعے کل صبح 4 بج کر 50 منٹ پر اسلام آباد آئیں گے۔