اسلام آباد(نیوز ڈیسک) پروفیسرشمیم ہمایوں کی صدارت میں پیمرا کونسل آف کمپلینٹس کا تینتیسواں اجلاس آج پیمرا ہیڈکوارٹرز اسلام آباد میں منعقد ہوا ۔ اجلاس میں اے آر وائی چینل کے ایگزیکٹو ڈائریکٹر اور اینکر ڈاکٹر شاہد مسعود کی وفاقی وزیرِاطلاعات و نشریات سینیٹر پرویز رشید کے خلاف شکایت کی سماعت ہوئی۔ یاد رہے کہ ڈاکٹر شاہد مسعود نے وفاقی وزیرِاطلاعات و نشریات کی مورخہ 20فروری کو ڈاکٹر احسن اختر ناز مرحوم کی یاد میں تعزیتی ریفرنس کے دوران میڈیا سے بات کرتے ہوئےسرکاری و نجی چینلز پر انکے خلاف مبینہ ہتک آمیز الفاظ استعمال کرنے کےخلاف پیمرا چئیرمین کو شکایت بجھوائی تھی جسکو چئیرمین پیمرا نے شکایات کونسل کے قوانین2010کی شق 8(4)کے تحت شکایات کونسل کو مزید کاروائی کے لیے بھجوا دیاتھا۔ جس کے نتیجہ میں کونسل نے شکایت کنندہ، وفاقی وزیرِاطلاعات و نشریات اور 25 دیگر ٹی وی چینلز کو کونسل کے اجلاس مورخہ 24مارچ 2016ءکو پیش ہونے کے سمن جاری کیے تھے ۔ وفاقی وزیرِاطلاعات و نشریات سینیٹر پرویز رشید بیرسٹر ظفراللہ خان کی سربراہی میں اپنی قانونی ٹیم کے ہمراہ آج کونسل کے سامنے پیش ہوئے، جبکہ ڈاکٹر شاہد مسعود پیش نہ ہوئے اور انکے وکیل بیرسٹر قاسم نواز نے کونسل کو بتایا کہ انہیں ایک ضروری آفیشل کام کی بناءپر آج صبح امریکہ روانہ ہونا پڑا جسکی وجہ سے وہ کونسل کے سامنے حاضرنہ ہو سکے۔ لہٰذ ا ڈاکٹر شاہد مسعود کے وکیل نے سماعت کو 8اپریل 2016ءتک مو ¿خر کرنیکی درخواست کی جسے کونسل نے متفقہ طور پر منظور کر لیا۔ البتہ کونسل نے ڈاکٹر شاہد مسعود کی غیرحاضری پر سخت ناپسندیدگی کا اظہار کرتے ہوئے کہا کہ جبکہ شکایت کنندہ کوپیش ہونے کے لیے مناسب وقت پر اطلاع دی گئی تھی تو انہیں اسطرح کونسل اور دیگر افراد کا قیمتی وقت ضائع نہیں کرنا چاہیے تھا ۔ انصاف کے تقاضوں کو مدِنظر رکھتے ہوئے کونسل نے سماعت کو 8اپریل 2016ءتک مو ¿خر کرتے ہوئے کہا کہ اگلے اجلاس میںشکاےت کنندہ ڈاکٹر شاہد مسعود کے پیش نہ ہونےکی صورت میں کونسل یکطرفہ فیصلہ کرنے کی مجاز ہوگی۔