کراچی (نیوز ڈیسک) پورٹ قاسم پاور پلانٹ پر تعمیر ہونے والے بجلی گھر میں کمرے سے چینی انجینئر کی لاش برآمد ہوئی ہے ۔تفصیلات کے مطابق کراچی پورٹ قاسم میں پاور پلانٹ میں کام کرنے والا چینی انجینئر پراسرار طریقے سے ہلاک ہوگیا ہے ۔ہلاک چینی انجینئر 45سالہ زانگ زوچن کافی عرصہ سے نئے تعمیر ہونے والے پاور پلانٹ پر کام کررہا تھا ۔بن قاسم پولیس نے لاش تحویل میں لے کر ضروری کارروائی کے لیے تھانے منتقل کردی ہے ۔ایس ایچ او بن قاسم غلام علی لاکھو کے مطابق چینی انجینئر دل کا دورہ پڑنے کے باعث ہلاک ہوا ہے ۔ضروری کارروائی کے بعد لاش جناح اسپتال منتقل کردی گئی ہے ۔