کراچی(نیوز ڈیسک)وزیراعلی سندھ سید قائم علی شاہ نے کہاہے کہ بلاول بھٹوکی خواہش پر صوبے میں ہولی پر عام تعطیل کا اعلان کیا، بلاول بھٹو24مارچ کوعمرکوٹ میں ہولی کی تقریب میں شرکت کریں گے۔وزیراعلی سندھ قائم علی شاہ نے ہندوجیم خانہ میں ہولی کی تقریب میں شرکت کی ۔وزیر اعلی سندھ قائم علی شاہ جب تقریب میں پہنچے توان کا شاندار استقبال کیا گیا۔اس موقع پر انہوں نے کہا کہ ہولی کے تہوار کے موقع پر چھٹی کامقصدہندوبرادری کی خوشی میں شریک ہوناہے،ہندومیرج بل ہندوبرادری کامطالبہ تھا جسے پورا کر دیا گیا، بل سے ہندو برادری کو مزید تحفظ ملے گا۔ انہوں نے کہاکہ صوبائی حکومت کوٹہ سسٹم میں مزید بہتری لائے گی۔تقریب میں تو سب اچھا تھا لیکن اقلیتوں کے لیے بڑے بڑے دعووں کی باہر نکلتے ہی قلعی کھل گئی آنے جانے والوں کے لیے مسئلہ تھا گندا و تعفن زدہ پانی جسے سائیں کی آمد پر بھی انتظامیہ نے صاف کرنا مناسب نہ سمجھا۔