اسلام آباد (نیوز ڈیسک) سپریم کورٹ نے ڈاکٹر بابر اعوان توہین عدالت کیس میں اٹارنی جنرل پاکستان کو اگلی سماعت پر پیش ہونے کی ہدایت کرتے ہوئے سماعت غیر معینہ مدت تک ملتوی کر دی ہے جبکہ ڈاکٹر بابر اعوان نے عدالت کو بتایا ہے کہ انہوں نے عدالت سے غیر مشروط معافی مانگ رکھی ہے ان دنوں پارلیمنٹ کا مشترکہ اجلاس چل رہا ہے ابھی تاریخ نہ دی جائے ۔ انہوں نے یہ استدعا منگل کو جسٹس اعجاز افضل خان کی سربراہی مین دو رکنی بنچ کے روبرو کی ہے ۔ عدالت نے اس دوران اٹارنی جنرل بارے پوچھا تو عدالت کو بتایا گیا کہ وہ اس وقت دستیاب نہیں ہیں اگلی سماعت پر پیش ہو جائیں گے ۔ عدالت نے بعدازاں سماعت ملتوی کر دی ۔