لاہور (نیوز ڈیسک) دوحہ سے اسلام آباد آنے والی غیر ملکی ایئرلائن پرواز کے عملے سے مسافر باپ بیٹے کی لڑائی ہونے کی وجہ سے جہاز کی کھڑی کا شیشہ ٹوٹ گیا غیر ملکی ایئرلائن کے پائلٹ نے جہاز کو ہنگامی طور پر علامہ اقبال انٹرنیشنل ایئرپورٹ پر اتار لیا تفصیلات کے مطابق منگل کے روز ایک غیر ملکی ایئرلائن دوحہ سے اسلام آباد آ رہی تھی کہ جہاز میں سوار مسافر خرم خالد اور اس کے والد خالد حسین کی جہاز کے عملے سے لڑائی جس کے دوران خرم خالد نامی مسافر نے ٹانگ مار کر جہاز کی کھڑکی کا شیشہ توڑ دیا جس کے بعد پائلٹ نے جہاز کو ہنگامی طور پر لاہور کے علامہ اقبال انٹرنیشنل ایئرپورٹ پر اتار لیا ایئرپورٹ انتظامیہ کے مطابق غیر ملکی ایئرلائن کی پرواز کے عملے سے لڑائی کرنے والے باپ بیٹے کو ایئرپورٹ سیکورٹی فورسز کے حوالے کر دیا گیا ہے انتظامیہ کا مزید کہنا تھا کہ گرفتار کئے گئے باپ اور بیٹے سے پوچھ گچھ جاری ہے انہوں نے کہا کہ خدشہ ہے کہ دونوں مسافروں نے شراب نوشی کر رکھی ہے ۔