کراچی( نیوز ڈیسک) سندھ حکومت نے کروڑوں روپے کرپشن میں ملوث سابق سیکرٹری کو آپریٹو میر اعجاز تالپور کو بحال کرنے کے لیے وفاقی حکومت کو خط تحریر کردیا ہے ۔ مذکورہ افسر پر الزام ہے کہ اپنے بھائی کو گریڈ 18میں بھرتی کرنے کے علاوہ مبینہ طور پر لاکھوں روپے رشوت وصول کرکے غیر قانونی طور پر 25 دیگر افراد کو بھی بھرتی کیا تھا ۔ذرائع کے مطابق کو آپریٹو سوسائٹیز میں دو درجن سے زائد ایڈمنسٹریٹر تعینات کرکے کروڑوں روپے حاصل کرنے کے الزامات پر قومی احتساب بیورو اور اینٹی کرپشن ڈیپارٹمنٹ میں تحقیقات جاری ہیں لیکن تحقیقاتی رپورٹ سے قبل ہی طاقت ور شخصیت کے ایما پر مذکورہ افسران کو بحال کرنے کے لیے اسٹیبلشمنٹ ڈویژن کو خط تحریر کردیا گیا ہے ۔