اسلام آباد (نیوز ڈیسک) وزیراعظم محمد نواز شریف کے ایوان میں داخل ہوتے ہی غائبی مخلوق جنات نے ان کی ہنسی چھین لی۔ بناوٹی سج دھج اور غصہ سے چور چہرہ کے ساتھ اپنی نشست پر بیٹھ گئے تو اس موقع پر سابق ڈکٹیٹر پرویز مشرف اور سابق صدر آصف علی زرداری کی مسکراہٹ اور سلیوٹ ایوان کو یاد آنے لگے تھے۔ پرویز مشرف کے مکے اور آصف علی زرداری کا اپنے ہاتھوں کو چوم کر چھاتی پر رکھنا جیسے سٹائل سے اسمبلی میں موجود سینکڑوں لوگ محروم رہ گئے۔
اسلام آباد (نیوز ڈیسک) السلام و علیکم نہ وعلیکم السلام‘ تفصیلات کے مطابق وفاقی وزیر داخلہ چوہدری نثار علی خان ایوان میں داخل ہوئے تو انہوں نے کسی وزیر یا وزیراعظم کو سلام تک نہ کیا اور اپنی نشست پر خاموشی سے بیٹھ گئے۔ وفاقی وزیر خزانہ اسحاق ڈار نے بڑی کوشش کے بعد ایک منٹ کیلئے وفاقی وزیر داخلہ کے کان میں سرگوشی کی مگر چہرے کے خدوخال سے پتہ چلتا تھا کہ بات بن نہ سکی۔