لاہور( نیوزڈیسک)پاکستان تحریک انصاف کے انٹرا پارٹی انتخابات میں مالی طور پر مستحکم رہنماﺅں کی بھرپور سر گرمیوں سے پارٹی سے دیرینہ وابستگی رکھنے والے رہنما ﺅںاور کارکنوں میںشدید تشویش پائی جاتی ہے ، مرکزی اور صوبائی سطح کے عہدوں کا انتخاب لڑنے کیلئے پارٹی کےساتھ کم از کم پانچ سے سات سال وابستگی کی شرط کا مطالبہ کر دیا گیا ۔ ذرائع کے مطابق تحریک انصاف کے قیام سے عمران خان کے ساتھ چلنے والے دیرینہ رہنما اور کارکن پارٹی میں نئے آنے والے صاحب ثروت رہنماﺅں کی بھرپور سر گرمیوں اور میڈیا میں آنے پر شدید تشویش میں مبتلا ہیں ۔ ان رہنماﺅں کا کہنا ہے کہ یہ شخصیات قطعاً تحریک انصاف کاچہرہ نہیں بلکہ اپنے مال و دولت کے ذریعے میڈیا پر چھائے ہوئے ہیں ۔مذکورہ رہنماپارٹی کے دیرینہ رہنماﺅں او رکارکنوں کو ساتھ لے کر چلنے کی بجائے اپنے ساتھ آنے والوں کو ساتھ لے کر چلے رہے ہیں ۔ اگر انٹرا پارٹی انتخابات سے قبل یہ صورتحال ہے تو عہدے مل جانے کے بعد یہ رہنما ہمیں کسی صورت برداشت نہیں کرینگے ۔ان رہنماﺅں اور کارکنوں نے مطالبہ کیا ہے کہ پارٹی کی قیادت دیرینہ رہنماﺅں اورکارکنوں کا خیال کرے اور مرکزی عہدے اور صوبائی سطح کے عہدیداروں کے انتخاب کےلئے کم از کم پارٹی کیساتھ پانچ سے سات سال کی وابستگی کی شرط رکھی جائے ۔