اسلام آباد (نیوز ڈیسک) آل پاکستان مسلم لیگ کے سیکرٹری جنرل ڈاکٹر امجد نے کہا ہے کہ سابق صدر پرویز مشرف علاج کیلئے بیرون ملک جائیں گے، علاج کہاں ہو گا، فیصلہ انکے معالج کریں گے، مصطفیٰ کمال سے الحاق ممکن ہے۔پرویز مشرف علاج کی غرض سے صرف دو ماہ کیلئے باہر جائیں گے۔ پہلا پڑاؤ دبئی میں ہو گا۔ علاج کے مقام کا تعین معالج کے مشورے سے ہو گا۔ سیکرٹری جنرل اے پی ایم ایل نے سابق صدر کے بیرون ملک پلان کا اعلان کر دیا۔ ڈاکٹر امجد نے کہا کہ پرویز مشرف واپس آ کر مقدمات کا سامنا کریں گے۔ انہوں نے اے پی ایم ایل کے مصطفیٰ کمال کی پارٹی سے اتحاد یا ادغام کا عندیہ بھی دیا۔ اے پی ایم ایل کے سیکرٹری جنرل کا کہنا تھا کہ جوڈیشل کمیشن نے لال مسجد کیس میں سابق صدر کو براہ راست ذمہ دار قرار نہیں دیا۔ 12 مئی کا واقعہ پرویز مشرف یا ایم کیو ایم نے نہیں کروایا۔