لاہور(نیوزڈیسک) صوبائی وزیر تعلیم و کھیل رانا مشہود احمد نے نیب کے الزامات پر عدالت جانے کا حتمی فیصلہ کرتے ہوئے کہا ہے کہ عمران خان، آصف زرداری اور دیگر رہنماﺅں کے پاس میرے خلاف کوئی ثبوت ہیں تو سیاست چمکانے کی بجائے انہیںسامنے لائیں۔نجی ٹی وی سے خصوصی گفتگو کرتے ہوئے صوبائی وزیر رانا مشہود نے کہا کہ بہت ہو چکا، الزامات کی بھی حد ہوتی ہے، نیب کے خلاف عدالت جانے کے لیے کاغذی کارروائی مکمل کرلی ہے۔انہوں نے کہا کہ سیاسی رہنمامیرے کےخلاف صرف بیان بازی نہ کریں۔ کسی کے پاس کوئی ثبوت ہیں تو سامنے لائیں۔ انہوں نے کہا کہ میری قربانی کی خبریں بے بنیاد ہیں، صرف ان کا میڈیا ٹرائل کیا جا رہا ہے اس کے علاوہ کچھ نہیں۔