کراچی (نیوزڈیسک) متحدہ قومی موومنٹ کے رکن سندھ اسمبلی فیصل سبزواری امریکا روانہ ہوگئے ہیں۔تفصیلات کے مطابق فیصل سبزواری قیادت سے اجازت لے کر امریکا روانہ ہوئے ہیں جب کہ متحدہ قومی موومنٹ کے ایم پی اے کے بارے میں بتایا جارہا ہے کہ وہ ذاتی مصروفیات کے باعث امریکا روانہ ہوئے ہیں۔واضح رہے کہ ایم کیو ایم کے منحرف رہنما اور سابق سٹی ناظم مصطفی کمال کی جانب سے اپنی جماعت بنانے کے اعلان کے بعد سے 3 ایم کیو ایم رہنما ان کی جماعت میں شامل ہوچکے ہیں جب کہ فیصل سبزواری سے متعلق بھی یہی چہ مگوئیاں کی جارہی تھیں کہ وہ مصطفی کمال کی پارٹی میں شمولیت اختیار کرلیں گے تاہم انہوں نے ان خبروں کی سختی سے تردید کی تھی۔