اسلام آباد (نیوز ڈیسک) معروف خو برو ڈالر گرل ایان علی کی مشکلات کم نہ ہو سکیں کسٹم حکام نے پاسپورٹ کی واپسی کے حوالے سے ایان علی کی درخواست منظور ہونے کے فیصلے کو سپریم کورٹ میں رواں ہفتے چیلنج کرنے کا فیصلہ کیا ہے درخواست تیار کر لی گئی ہے جو رواں ہفتے سپریم کورٹ میں دائر کر دی جائے گی ۔ ذرائع نے آن لائن کو بتایا ہے کہ ماڈل ایان علی کو ان کے وکلاءنے آگاہ کیا ہے کہ ان کے ہائی کورٹ کے فیصلے کو کسٹم حکام نے چیلنج کرنے کی تیاریاں مکمل کر لی ہیں اور رواں ہفتے اس فیصلے کو چیلنج کیا جائے گا جس پر ایان علی نے اپنے وکلاءکو جوابی دفاع کے لئے تمام تر تیاری کرنے کی ہدایت کی ہے تاکہ مقدمے کا بھرپور طریقے سے دفاع کیا جا سکے ۔