کراچی (نیوزڈیسک)مصطفی کمال کے چاہنے والوں نے نائن زیرو کو بھی نہ بخشا،وہ کام کردکھایا جس کا کچھ عرصہ پہلے کوئی سوچ بھی نہیں سکتاتھا،ایم کیوایم کے مرکز نائن زیروسمیت کراچی کے مختلف علاقوں میں مصطفی کمال کے حق میں پوسٹرلگادیئے گئے۔عینی شاہدین کے مطابق کراچی کے مختلف علاقوں میں مصطفی کمال کے حق میں پوسٹر لگانے کا سلسلہ جاری ہے ¾ایم کیو ایم کے مرکز نائن زیرو کے قریب عائشہ منزل کے اطراف میں بھی مصطفی کمال کے حق میں پوسٹر لگائے گئے ان پوسٹرز پر”امید کی کرن مصطفی کمال“ واضح طور پرلکھا دیکھا گیا ۔واضح رہے کہ ایم کیو ایم کے مرکز نائن زیرو کو ایم کیو ایم کا سب سے بڑا گڑھ اور ہیڈ کوارٹر سمجھاجاتا ہے اور کسی بھی سیاسی جماعت کی اس علاقے میں سرگرمیاں انتہائی خطرناک سمجھی جاتی رہی ہیں اور خاص کر ایم کیو ایم سے منحرف رہنما کی اس علاقے میں سرگرمیوں سے یہ بات انتہائی واضح ہوکر سامنے آئی ہے کہ ایم کیو ایم میں مصطفی کمال کے بارے میں دو رائے اکثریت میں پائی جاتی ہے ۔