ڈیرہ اسماعیل خان(نیوزڈیسک) خیبر پختونخوا کے صوبائی وزیر مال علی امین گنڈاپور نے وزارت سے مستعفی ہونے کا اعلان کردیا۔ نجی ٹی وی جیو نیوز کے مطابق علی امین گنڈا پور نے وزارت سے مستعفی ہونے کا اعلان انٹراپارٹی الیکشن میں صوبائی صدارت کا انتخاب لڑنے کیلئے کیا ہے۔ استعفے کے معاملے پر علی امین گنڈا پور کا کہنا تھا کہ انٹرا پارٹی الیکشن میں صوبائی صدر کا الیکشن لڑوں گا اسی لیے کچھ دنوں سے آفس نہیں جارہا پارٹی چیئرمین عمران خان اور وزیر اعلیٰ پرویز خٹک کو استعفیٰ بھجوادوں گا۔