سرگودھا (نیوزڈیسک)حکومت نے صوبہ بھر کے 36 اضلاع میں تمام سرکاری محکموں کے ایسے ملازمین کو ملازمتوں سے برطرف کرنے کا اصولی فیصلہ کرتے ہوئے تمام محکموں سے ایسے ملازمین کی تفصیلات طلب کرلی ہیں جو گزشتہ چھ ماہ سے بغیر اطلاع دیئے غیر حاضر ہیں ذرائع کا کہنا ہے کہ مختلف محکموں کے درجنوں ملازمین افسران اور محکمہ کے ذمہ داران سے مبینہ ملی بھگت کرکے دیگر محکموں یا بیرون ممالک میں کام کررہے ہیں اور سرکاری محکموں سے تنخوایں بھی باقاعدگی سے وصول کرنے میں لگے ہیں جس کی وجہ سے محکموں کی کارکردگی پر بھی اثر پڑرہا ہے ذرائع کا کہنا ہے کہ ایسے ملازمین بھی مختلف محکموں میں کام کررہے ہیں جو اپنی تنخواہ کا 1/4 حصہ افسران اور عملہ کو ادا کرتے ہیں جس پر حکومت نے ایسے ملازمین کی تفصیلات طلب کرلی ہیں تاکہ انہیں نوکریوں سے فارغ کیا جاسکے۔