اسلام آباد (نیوز ڈیسک) وزارت داخلہ نے سعودی عرب میں قید پاکستانیوں کے کوائف کی تصدیق کا سلسلہ شروع کر دیا،معمولی جرائم، ویزہ قوانین کی خلاف ورزی اور سزا پوری کرنے والے پاکستانیوں کو وطن واپس لایا جائے گا۔ ذرائع کے مطابق جیلوں میں قید پاکستانیوں کی فہرستیں وزارت خارجہ کے ذریعے وزارت داخلہ کو موصول ہو رہی ہیں۔ وزارت داخلہ قیدیوں کے کوائف کی نادرا سے تصدیق کر رہی ہے، جن پاکستانیوں کی تصدیق ہو رہی ہے ان کے نام سعودی عرب میں پاکستانی سفارتخانے کو بھجوائے جا رہے ہیں تا کہ تصدیق شدہ پاکستانیوں کو جلد از جلد پاکستان لایا جا سکے۔