لاہور(نیوز ڈیسک) سکول سپورٹ پروگرام کے تحت سرکاری سکولوں کو نجی شعبے کے حوالے کرنے کا منصوبہ تیار کرلیا گیا ہے۔ محکمہ سکول ایجوکیشن 1ہزار سکول نجی شعبے کے حوالے کرئے گا۔ ان سکولوں سے اساتذہ کے دیگر سکولوں میں تبادلے شروع کردیئے گئے ہیں۔ ذرائع کے مطابق حکومت ان کم کارکردگی والے سکولوں کو نجی شعبے کے حوالے کرئے گی اور اس پروگرام کے تحت نجی ادارے سکولوں میں اپنے اساتذہ تعینات کریں گے۔ سکولوں کو پنجاب ایجوکیشن فاؤنڈیشن کے ذریعے نجی شعبے کے حوالے کیا جارہا ہے۔ سکولوں کی عمارتیں اور فرنیچر اداروں کے حوالے کیا جائے گا۔