کراچی(نیوز ڈیسک)گینگ وار سرغنہ عزیر بلوچ سے مشترکا کمیٹی کی تفتیش جاری ہے اورتفتیش کے دوران پاکستان پیپلزپارٹی کی رہنما اور لیاری کی رکن سندھ اسمبلی ثانیہ ناز کو بھی تفتیش کے لیے طلب کرلیا گیا ہے، ذرائع کے مطابق رینجرز کی عزیر بلوچ کی نامزد ایم پی اے ثانیہ ناز سے ڈھائی گھنٹے تفتیش کی گئی ہے ، ذرائع کا دعویٰ ہے کہ عزیر بلوچ تفتیش میں سامنے آنے والے سوالات پوچھے گئے ، لیاری میں گینگ وار اور بھتے سے متعلق بھی سوالات پوچھے گئے ، ذرائع کے مطابق عزیر بلوچ اور گینگ وار کے دیگر افراد سے متعلق بھی تفتیش کی گئی ہے ، رینجرز ذرائع کا کہنا ہے کہ ثانیہ ناز کو بیان ریکارڈ کرکے جانے دیا گیا وہ دوبارہ طلب کیے جانے کا بھی امکان ہے ، رکن سندھ اسمبلی ثانیہ ناز کا کہنا ہے کہ میں قانون کا احترام کرتی ہوں اور کسی غیر قانونی سرگرمی میں ملوث نہیں ہوں تفتیشی ادارے جب بھی بلائیں گے میں آجاؤں گی۔