اسلام آباد(نیوزڈیسک) پاکستانی وزارت داخلہ اور کرکٹ بورڈ نے بھارتی حکومت کی جانب سے مکمل سیکورٹی فراہم کرنے کی ضمانت نہ دیے جانے تک اپنی کرکٹ ٹیم کو ورلڈ ٹی 20میں شرکت کے لیے بھارت نہ بھیجنے کے اصولی موقف کا ا عادہ کیا ہے۔نجی ٹی چینل کے مطابق وفاقی وزیرداخلہ چوہدری نثار علی خان نے پاکستان کرکٹ بورڈ کے چیئرمین شہریار خان نے قومی کرکٹ ٹیم کو بھارت بھینجے متعلق فیصلے پر مشاورت کی ۔ اس موقع پر وزیر داخلہ اور چیئرمین پی سی بی نے ٹیم کو بھارت کی جانب سے مکمل سیکورٹی فراہم کرنے کی ضمانت نہ دیے جانے تک ٹیم کو بھارت نہ بھیجنے پر اتفاق کیا ہے۔