کراچی(نیوز ڈیسک) متحدہ قومی موومنٹ کے سیاست دان بیرسٹر سیف علی خان نے کہا ہے کہ مصطفی کمال کی پریس کانفرنس میں محض الزامات لگائے گئے جس سے پارٹی کو کوئی فرق نہیں پڑتا۔مصطفی کمال اور انیس قائم خانی نے جمعرات کو ایم کیو ایم کے سربراہ الطاف حسین کو شدید تنقید کا نشانہ بناتے ہوئے پارٹی سے الگ ہو نے کا اعلان کیا ۔بیرسٹر سیف نے میڈیا سے گفتگو کرتے ہوئے کہا کہ مصطفی کمال کے الزامات کی کوئی حیثیت نہیں ,ایم کیو ایم کی وجہ الطاف حسین ہیں , وہ بلاشک و شبہ پارٹی کے غیر متنازع قائد ہیں۔انہوں نے کہا کہ جن لوگوں کو اعتراضات ہیں ہو بے شک پریس کانفرنسز کر لیں۔انہوںنے کہاکہ مصطفی کمال کے الزامات سے پارٹی کو نقصان نہیں پہنچے گا، کیونکہ کئی لوگ اس طرح کے الزامات عائد کرتے آئے ہیں۔ایم کیوایم کے سینئر رہنما اور سینیٹر محمد علی سیف نے اپنے ردعمل میں کہا کہ ایک دو افراد الزامات لگاکرشوق پورا کرلیں۔