اسلام آباد(نیوز ڈیسک) پیپلز پارٹی کے رہنما سینیٹر سعیدغنی نے مصطفی کمال کی پریس کانفرنس کے حوالے سے کہا ہے کہ 1992کاآپریشن انہیں الزامات کے تحت ہوا تھا، میں نہیں سمجھتا کہ اس میں کوئی نئی بات ہے، کئی دہائیوں سے ملک میں یہ باتیں چل رہی ہیں،ایم کیوایم کےخلاف ایسے الزامات لگتے رہے ہیں۔انہوںنے کہاکہ میرےسامنےرحمان ملک اورقائدایم کیوایم کی ملاقات کی بات کبھی نہیں ہوئی، انیس قائم خانی پرماضی میں بھی سنگین الزامات لگتے رہے ہیں، سیاسی جماعتوں کواپنی کرپشن کی تحقیقات کرنی چاہیے ۔میرے سا منے رحمان ملک اورقائدایم کیوایم کی ملاقات کی بات کبھی نہیں ہوئی۔واضح رہے کہ ایم کیو ایم کے قائد کچھ دن قبل کراچی کے شہریوں کو اشیاءخوردو نوش جمع کرنے کی ہدایات جاری کرچکے ہیں۔ان کے مطابق جلد ہی کوئی بڑا واقعہ رونما ہونے والا ہے جو کہ ایم کیو ایم کیخلاف ممکنہ آپریشن بھی ہوسکتاہے۔