پشاور(نیوز ڈیسک)سانحہ آرمی پبلک سکول میں شہید ہونے والے بچوں اور دیگر افراد لے والدین حکومت کے خلاف پشاورہائی کورٹ میں رٹ دائر کردی،آرمی پبلک سکول اینڈ کالج پشاور کا سانحہ رونما ہونے کے بعد قانون نافذ کرنے والے اداروں کی جانب سے ہونے والی پیش رفت سے شہداءکے والدین اور عوام کو آگاہ کرنے کے حوالہ سے پشاور ہائی کورٹ میں رٹ دائر کردی گئی ہے شہیدطالبعلم اسفندکے والد عجون خان ایڈوکیٹ کی جانب سے دائر رٹ میں پیشرفت کے علاوہ آئینی سوالات بھی اٹھائے گئے ہیں رٹ میںموقف اختیارکیاگیا ہے کہ سانحہ سے پہلے سیکورٹی اداروں کو پیشگی اطلاعات تھے تاہم والدین کو اس خطرہ سے متعلق اعتماد میں نہیں لیا گیا جو کہ آئین کے آرٹیکل19اے کی خلاف ورزی ہے یہ وجوہات جاننے کے علاوہ دیگر سوالات میں عدالت کے ذریعے یہ جاننے کی استدعا کی گئی ہے کہ سانحہ اے پی ایس کی پیشگی اطلاع ملنے پر کیااقدامات ا ٹھائے گئے جبکہ سکول پرحملے کے بعد ذمہ داروں کاتعین کیاگیایانہیں اورذمہ دارحکام کے خلاف کیاکارروائی عمل میں لائی گئی دائررٹ میں چیف سیکرٹری اور ہوم سیکرٹری خیبر پختونخوا , ایڈیشنل چیف سیکرٹری فاٹا, انسپکٹرجنرل آف پولیس , ڈائریکٹر نیشنل کاﺅنٹرٹیررازم اتھارٹی اوروفاقی سیکرٹری داخلہ کو فریق بنا یا گیا ہے رٹ میں عدالت عالیہ سے رٹ پٹیشن منظورکرکے سانحہ اے پی ایس سے متعلق پیشرفت کو منظرعام پرلانے کے احکامات جاری کرنے کی استدعا کی گئی ہے ۔