واشنگٹن(نیوز ڈیسک)مشیر برائے خارجہ امور سرتاج عزیز نے کہا ہے کہ افغانستان میں مسائل کا الزام پاکستان کو نہیں دینا چاہیے ۔ نجی ٹی وی کے مطابق سرتاج عزیز نے کہاکہ یہ غلط تاثر پایا جاتا ہے کہ پاکستان کچھ گروپوں کی حمایت کررہا ہے اور یہاں بدستور ایسے لوگ موجود ہیں جو طالبان سے ہم دردی رکھتے ہیں ۔ یہ تاثر درست کرنے کی ضرورت ہے ۔کیونکہ گذشتہ دو برسوں کے دوران پاکستان نے پراسیس کو جس طرح آگے بڑھایا وہ بالکل واضح ہے کہ افغانستان میں امن کے قیام تک پاکستان پرامن نہیں بن سکتا ۔سرتاج عزیز نے کہاکہ افغانستان میں امن کا قیام پاکستان کےلئے بھی اتنا ہی اہم ہے جتنا خود افغانوں کے لیے اہم ہے ,اس کے لیے ضروری ہے کہ طالبان اور افغان حکومت کے درمیان سیاسی اتفاق رائے ہو ۔