لاہور ( نیوزڈیسک ) لاہور میں محکمہ انہار کے نائب قاصد نے دفتر میں پنکھے کے ساتھ جھول کر خودکشی کر لی۔ پولیس نے لاش قبضہ میں لے کر تحقیقات شروع کردی۔ پولیس کے مطابق بند روڈ کے علاقے نواں کوٹ کا رہائشی محمد شفیق محکمہ انہار میں بطور نائب قاصد کام کرتا تھا۔ آج صبح آفس آیا اور معمول کے مطابق کام شروع کیا۔ اس دوران دوسری منزل پر اکاو¿نٹنٹ کے کمرے میں جا کر پنکھے سے پھندا لگا کر خودکشی کر لی۔ پولیس کے مطابق شفیق نے گھریلو جھگڑے کی وجہ سے اپنی زندگی کا خاتمہ کیا جبکہ دوسری جانب ذرائع کا کہنا ہے کہ شفیق نے ایشیا کپ میں پاکستان اور بنگلہ دیش کے میچ پر جوا لگایا تھا جو وہ ہار گیا ، اس ہار سے دلبرداشتہ ہوکر اس نے دفتر میں دوسری منزل پر جا کر اپنی زندگی کا خاتمہ کر لیا واقعے کی مزید تحقیقات جاری ہیں۔