فیصل آباد (نیوز ڈیسک) شوہر کا بیوی پر تشدد،تحفظ خواتین بل کے تحت فیصل آباد میں بھی بیوی شوہر کے خلاف تھانہ پہنچ گئی، پولیس نے مقدمہ درج کرلیا ، آن لائن کے مطابق 8سال قبل نیو گرین ٹاﺅن کے رہائشی کاشف کی شادی غلام محمد آباد کی رہائشی خاتون مدیحہ سے ہوئی تھی ، جسے کاشف اکثر اوقات تشدد کا نشانہ بناتا اور گزشتہ روز کاشف نے اسے شدید تشدد کا نشانہ بناتے ہوئے اس کے بال بھی کاٹ دیئے جس پر اس نے تھانہ سرگودھا روڈ میں درخواست گزاری تھی ، پولیس تھانہ سرگودھا روڈ نے تمام تر حقائق کو مد نظر رکھتے ہوئے ملزم کاشف کے خلاف زیر دفعہ 354/337vکے تحت مقدمہ درج کر لیا ، یاد رہے کہ تحفظ نسواں بل پاس ہونے کے بعد اس کے تحت لاہور کے بعد درج کیا جانیوالا دوسرا جبکہ فیصل آباد میں درج کیا جانیوالا یہ پہلا مقدمہ درج ہے

موضوعات:بیوی شوہر فیصل آباد مقدمہ درج