اسلام آباد(نیوزڈیسک) بلڈنگ کنٹرول قوانین کی خلاف ورزی پر پی ٹی آئی کے سینٹرل سیکرٹریٹ کو 19 فروری کو جزوی طور پر سیل کیا گیا تھا۔ تحریک انصاف کی انتظامیہ نے سی ڈی اے کی لگائی سیل توڑ کر دفتر دوبارہ کھول لیا، جس پر ڈپٹی ڈائریکٹر انفورسمنٹ شفیع مروت کی سربراہی میں سی ڈی اے کا بلڈنگ کنٹرول عملہ تحریک انصاف کے دفتر پہنچ گیا اور پی ٹی آئی کا مرکزی دفتر مکمل طور پر سیل کر دیا۔شفیع مروت کا کہنا ہے کہ 19 فروری کو بلڈنگ قوانین کی خلاف ورزی پر پی ٹی آئی کے سینٹرل سیکرٹریٹ کو جزوی طور پر سیل کیا گیا تھا، سیل توڑ کر پی ٹی آئی نے بلڈنگ کنٹرول قوانین کی خلاف ورزی کی ہے۔ ان کا مزید کہنا تھا کہ پی ٹی آئی کا دفتر اب مکمل طور پر سیل کر دیا گیا ہے اور پی ٹی آئی کے خلاف بلڈنگ کنٹرول قوانین کی خلاف ورزی کا مقدمہ درج کیا جائے گا۔ واضح رہے کہ سپریم کورٹ نے رہائشی علاقوں میں کمرشل سرگرمیاں ختم کرنے کا حکم دے رکھا ہے۔