لاہور (نیوز ڈیسک)اسپیکر قومی اسمبلی سردار ایازصادق نے کہاہے کہ تحریک انصاف نے میرے خلاف جھوٹے حلف نامے جمع کروائے جن کے خلاف سپریم کورٹ جاؤں گا ، الزامات لگانے والے شو مچاتے رہیں، اگلی حکومت بھی (ن) لیگ کی ہو گی۔ان خیالات کا اظہار انہوں نے گزشتہ روز لاہور میں ایک نجی ہسپتال میں قریبی دوست کی والدہ کی عیادت کے بعد میڈیا سے گفتگو کرتے ہوئے کیا۔ اسپیکر سردار ایاز صادق نے کہاکہ مسلم لیگ (ن) نے ہمیشہ عوام کے ووٹوں سے حکومت بنائی اور عوام کی طاقت سے ہی پانچ سال پورے کریں گے اور عوام وزیر اعظم نواز شریف کی قیادت پر اعتماد کا اظہار کرتے ہوئے 2018ء4 کے عام انتخابات میں بھی شیر کو ووٹ دے کر کامیاب کریں گے جبکہ تنقید کرنے والے شو مچاتے رہ جائیں گے۔انہوں نے کہا کہ مسلم لیگ (ن) کی ملک میں امن و امان ، خوشحالی اور ترقی کے ساتھ عوامی فلاح کے منصوبے جاری رکھے گی۔ انہوں نے کہا کہ پی ٹی آئی اور عبدالعلیم خان نے میرے خلاف جھوٹے حلف نامے جمع کروائے اور میں ان جھوٹے حلف نامے جمع کرانے کے خلاف سپریم کورٹ جاؤں گا