اسلام آباد(این این آئی)افغانستان کے صوبہ ہرات کے سابق گورنر فضل اللہ واحدی کو اسلام آباد میں نامعلوم افرادنے اغواءکرلیا،پولیس نے واقعے کی تحقیقات شروع کردیں جبکہ فوری طورپر ان کے اغواءکی ذمہ داری کسی نے قبول نہیں کی،جمعہ کو پولیس اورسفارتی ذرائع نے افغان صوبہ ہرات کے سابق گورنر فضل اللہ واحدی کے اغواءکی تصدیق کرتے ہوئے کہاکہ ان کو وفاقی دارلحکومت کے پوش سیکٹر ایف سیوں میں جناح سپر کے قریب واقع رانا مارکیٹ سے اغواءکیا گیا،ذرائع کے مطابق فضل اللہ واحدی اسلام آباد میں برطانیہ کا ویزہ لگوانے کی غرض سے آئے تھے اورفیملی سمیت یہاں رہائش پذیر تھے گزشتہ روز شام کو جب وہ اپنی فیملی کے ہمراہ ایک ریستوران میں کھانا کھانے کے لیے نکلے تو اچانک نامعلوم افرادنے وہاں سے انہیں اغواءکیا اورفرارہونے میں کامیاب ہوگئے،پولیس نے بتایاکہ واقعہ ان کے علم میں آیا ہے اورانہوں نے اس کی تحقیقات شروع کردی ہیں جبکہ یہ بھی جاننے کی کوشش کی جارہی ہے کہ اس واقعے کے پیچھے کیا محرکات کارفرما ہیں،فوری طور پر کسی نے اس اغواءکی ذمہ داری قبول نہیں کی ہے ۔
آج کی سب سے زیادہ پڑھی جانے والی خبریں
