پشاور(نیوزڈیسک)ڈائریکٹرجنرل احتساب کمیشن خیبرپختونخوا لیفٹیننٹ جنرل(ر)حامدخان نے صوبائی حکومت کی جانب سے احتساب کمیشن ایکٹ میں ترمیم کے بعد باقاعدہ طور پر استعفیٰ دیدیا۔استعفیٰ میں ڈی جی نے احتساب کمیشن کے ترمیمی بل پر تحفظات کا اظہار کیا ہے احتساب کمیشن کے ترمیمی بل میں بیوروکریٹس اور ارکان اسمبلی کی گرفتاری کو اجازت سے مشروط کیا گیا تھا ذرائع کے مطابق ڈی جی نے استعفے پر دستخط کے بعد کمیشن کے افسران سے الوداعی ملاقات کی ۔احتساب کمیشن میں ڈی جی کے اعزازتقریب منعقد کی گئی جہاں افسران کے چہروں پر اداسی اور افسردگی چھائی رہی ڈی جی احتساب کمیشن کو عملے کی جانب سے خراج تحسین اور گارڈ آف آنر بھی پیش کیا گیا۔ ڈی جی حامد درانی نے اپنے استعفے میں وجوہات بیان کرتے ہوئے لکھا ہے کہ انٹی کرپشن کو احتساب کمیشن کے ماتحت لانا تھا جو حکومت نے نہیں کیا 18 ویں ترمیم کی روشنی میں حکومت کو احتساب کمیشن اور نیب کے اختیارت کا تعین کرنا چایئے تھا ڈی جی کے مطابق احتساب کمشنرز کو اختیارات دینے کے بعد ڈی جی کا عہدہ ختم ہو گیا ہے ۔۔