لاہور(نیوزڈیسک)لاہور میں چھاپہ،ایسی چیز کاکارخانہ برآمد جس کا کوئی سوچ بھی نہیں سکتاتھا،سیکورٹی ادارے ششدر، عام طورپر تو یہ دیکھنے میں آتا ہے کہ پنجاب میں اسلحہ افغانستان سے یاقبائلی علاقہ جات سے ہوتا ہوا خیبر پختونخوا کے راستے سمگل کیاجاتا ہے مگر یہ تو کسی نے سوچابھی نہیں ہوگا کہ پنجاب کو تو اس معاملے میں بھی ”خودکفیل“ بنایا جاچکا ہے اور یہاں بھی اسلحے کی پیداوار کاعمل غیر قانونی طورپر جاری ہے، ایسا ہی ایک حیرت انگیزواقعہ لاہور میں پیش آیا جس پر سیکورٹی ادارے ششدر رہ گئے،نولکھا کے علاقہ ریلوے روڈ پر غیرقانونی طور پر اسلحہ بنانے کے کارخانے کی موجودگی کی خفیہ اطلاع پر پولیس نے کارروائی کی اور موقع پر موجود دو ملزموں نذیر صابری اور آصف صابری کو گرفتار کر لیا۔ کارروائی کی اطلاع پر سی سی پی او لاہور امین وینس، ڈی آئی جی آپریشنز ڈاکٹر حیدر اشرف اور ایس ایس پی سی آئی اے عمر ورک بھی موقع پر پہنچ گئے جنہوں نے کارخانے میں موجود ساز و سامان کا جائزہ لیا۔ اس موقع پر میڈیا سے گفتگو کرتے ہوئے سی سی پی او کا کہنا تھا کہ گرفتار ملزم غیرقانونی طور پر اسلحہ تیار کر کے مختلف شہروں میں سپلائی کرتے تھے۔ پولیس حکام کا کہنا ہے کہ ملزموں کی نشاندہی پر مختلف شہروں میں موجود ان کے دیگر کارندوں کو بھی گرفتار کر کے سخت کاروائی کی جائے گی۔