اسلام آباد(نیوزڈیسک)قومی اسمبلی کے رکن جمشید دستی اور ان کے 6 ساتھیوں کے خلاف بھتا لینے کے الزام میں مقدمہ درج کرلیا گیاہے۔پو لیس کے مطابق ساجد شاہ نامی شخص کی مدعیت میں جمشید دستی سمیت 6 افراد کے خلاف مقدمہ درج کیا گیا ہے ، درخواست گزار نے موقف اختیار کیا کہ آئل ٹینکرز ایسوسی ایشن کے نام پر تھرمل پاور اسٹیشن کو فیول فراہم کرنے والے آئل ٹینکرز سے رکن قومی اسمبلی جمشید دستی کی ایماءپر 400 روپے فی ٹینکر بھتا وصول کیا جاتا ہے۔واضح رہے کہ گزشتہ روز بھی جمشید دستی کے خلاف ڈکیتی ¾کارسرکار میں مداخلت اور دیگر دفعات کے تحت ایک مقدمہ درج کیا گیا تھا ۔