لاہور(نیوزڈیسک)ئی)صوبائی وزیر قانون و پارلیمانی امور رانا ثنا اللہ خان نے کہا ہے کہ تیزی سے بڑھتی عمر کیوجہ سے عمران خان سوتے جاگتے صرف وزیر اعظم بننے کے خواب دیکھتے ہیں ،وفاق میں وزیر اعظم نواز شریف اور پنجاب میں وزیر اعلیٰ شہباز شریف کی قیادت کی دورس اور مثبت پالیسیوں کی وجہ سے تحریک انصاف کے پاس احتجاج کا کوئی ایجنڈا نہیںاس لئے وہ ملک کی ترقی کے درپے ہیں۔ ایک انٹر ویو میں رانا ثنا اللہ خان نے کہا کہ ملک میں معیشت اور امن و امان کی بہتر ہوئی صورتحال اورمیگا پراجیکٹس نے عام انتخابات سے قبل ہی عمران خان کی راتوں کی نیندیں اڑا دی ہیں۔ عمران خان سوچ رہے ہیں کہ 2018ءمیں ہونے والے عام انتخابات میں ان کا بنے گا او رجو وہ سوچ رہے ہیں ان کا وہی بنے گا ۔ تحریک انصاف ضمنی اور بلدیاتی انتخابات میں غل غپاڑے کی سیاست کا نتیجہ بھگت چکی ہے لیکن اس کے باوجود راہ راست پر آنے کو تیا رنہیں ۔ا نہوں نے کہا کہ تحریک انصاف نے پنجاب اسمبلی کا اجلاس بلانے کے لئے میڈیا میں واویلا کیالیکن اب اجلاس شروع ہے تو ان کا ایوان کے اندر دل ہی نہیں لگتا اور چھینک آنے پر بھی واک آﺅٹ کر کے گھروں کو روانہ ہو جاتے ہیں۔