اسلام آباد(نیوزڈیسک)امریکہ میں پی آئی اے کی ایک اربوں ڈالر مالیت کی بلڈنگ کا انکشاف ،نجکاری کی وجوہات سامنے آنے لگیں۔ذرائع کے مطابق پی آئی اے کی امریکہ میں روزویلٹ نامی بلڈنگ جس کو 1969میں خریدا گیا تھا اور پاکستانی صدور و وزرائے اعظم امریکہ میں اسی مہنگی ترین بلڈنگ کے لگرثری اپارٹمنٹ میں اپنا قیام کرتے ہیں ۔ذرائع نے انکشاف کیا ہے کہ اس بلڈنگ کو حاصل کرنے کے لئے حکومت کی اس پر کئی عرصہ سے نظریں تھیں ۔پی آئی اے کی نجکاری کی اہم وجوہات اس اہم بلڈنگ پر بھی مرکوز ہو سکتی ہیں کیونکہ اگر اس بلڈنگ کو فروخت کیا جائے تو پی آئی اے کا خسارہ پورہ کرنے میں مدد مل سکتی ہے اور نجکاری سے بلڈنگ بھی ساتھ ہی جائے گی ۔مہنگی ترین بلڈنگ روز ویلٹ میں 1015کمرے 52سوٹس اور ان میں صدر کے لیے ایک علیحدہ سوٹ تیار کیا گیا ہے جس کے چار بیڈ رومز،کچن ،ٹیرس،ڈائننگ کے ساتھ کھلا صحن بھی شامل ہے ،ذرائع کے مطابق تمام لگرثری اپارٹمنٹس کو قیمتی لکڑی اور مہنگی ترین کشیدہ کاری سے کندہ کیا گیا ہے اور فرنیچر مہنگا ترین موجود ہے ۔