باجوڑ ایجنسی( نیوز ڈیسک ) پو لیٹکل انتظامیہ کے کامیاب کاروائی۔ ایجنسی میں تباہی کا بڑا منصوبہ ناکام ۔100 بوری بارود ضلع لوئیر دیر سے باجوڑ ایجنسی سمگل کے کوشش ناکام ۔ڈرائیور فرار ہونے میں کامیاب۔ ذرائع کے مطابق جمعہ کے صبح باجوڑایجنسی کے پولیٹیکل انتظامیہ نے ضلع لوئر دیر سے باجوڑ 100بوری بارود سمگل کی کوشش ناکام بنادی ہیں ۔ باجوڑایجنسی کے سرحدی چیک پوسٹ طورغنڈی قذافی پر بارود سے بھرا ٹرک جوکہ دیر سے باجوڑ ایجنسی داخل ہورہاتھا کہ لیویز اہلکاروں صوبیدار حسین اور حوالدار وہاب نے ٹرک کو روک کر تلاشی لی ۔ تلاشی لیتے وقت ڈرائیور گاڑی سے فرار ہونے میں کامیاب ہوگیا۔تحصیلدار اتمانخیل بخت جہاں اور لیویز فورس نے گاڑی کے تلاشی لیکر بڑی تعداد میں بارود برآمد کرلیا۔ اسسٹنٹ پولیٹیکل ایجنٹ خار محمد علی خان نے صحافیوں کو تفصیلات بتاتے ہوئے کہا کہ بارود کو ٹرک کے خفیہ خانوں اور چیپس کے نیچے چھپایا گیا تھا اور لیویز فورس نے 100 بوری بارود ضلع لوئیر دیر سے باجوڑ ایجنسی سمگل کے کوشش کو ناکام بناکر علاقے کو بڑے تباہی سے بچالیا ہیں ۔ انہوں نے بتایا کہ پولیٹیکل انتظامیہ نے ٹرک کو تحویل میں لیاہے ۔دریں اثناء باجوڑ ایجنسی کے پو لیٹکل انتظامیہ نے ایجنسی کے داخلی اور خارجی راستوں پر چیکنگ سخت کی ہے۔