لاہور(نیوزڈیسک )لاہور کے حلقہ این اے122میں تحریک انصاف کی طرف سے دائر کردہ پٹیشن پر فیصلے کےلئے الیکشن کمیشن نے یکم فروری کی تاریخ مقرر کر رکھی ہے ،پی ٹی آئی کے امیدوار عبدالعلیم خان خود موجود ہوں گے ۔،اس حوالے سے گفتگو کرتے ہوئے عبدالعلیم خان نے کہا کہ الیکشن کمیشن نے ووٹوں کی چوری تسلیم کر لی ہے ہم اس غیر قانونی اقدام پر خاموش نہیں رہیں گے اور اپنے حق کےلئے ہر فورم پر آواز بلند کریںگے ۔انہوں نے کہا کہ 25ہزار سے زائد ووٹوں کے غیر قانونی طریقے سے ردو بد ل کے باو جود نواز لیگ کا خود کو جمہوری طریقے سے منتخب قرار دینا مضحکہ خیز ہے اگر ایاز صادق پی ٹی آئی سے خوف زدہ نہیں تو شفاف طریقے سے الیکشن میں حصہ لیں انہیں آٹے دال کا بھاو¿ معلوم ہو جائے گا ۔عبدالعلیم خان نے کہا کہ قومی اسمبلی جیسے باوقار ادارے کےلئے بوگس طریقے سے سپیکر بننے والوں کو ہر قیمت پر واپس آنا ہو گا اور اس مقصد کےلئے سپریم کورٹ جانے سے بھی گریز نہیں کریں گے ۔انہوں نے کہا کہ این اے122میں 11اکتوبر کے ضمنی الیکشن میں ہونے والی بد عنوانیوں کو ثبوتوں کے ساتھ پیش کر دیا ہے اب حکومتی دباو¿ پر حقائق کو توڑ مروڑ کر پیش کیا جا رہا ہے اور نادرا اور الیکشن کمیشن کی ملی بھگت سے ہونے والے غیر قانونی ردوبدل کو چھپایا جا رہا ہے ۔