اسلام آباد (نیوز ڈیسک) ایف بی آر نے ایان علی کے خلاف کراچی میں قیمتی لگثرری فلیٹ کا ٹیکس نہ دینے کا کیس تیار کر لیا ہے۔ 5 کروڑ روپے زائد مالیت کا یہ لگثرری فلیٹ کراچی کے ایک تاجر مصطفےٰ میمن نے ایان علی کے نام کیا ہے لیکن اس فلیٹ کی قیمت کی مناسبت سے سرکاری خزانے میں ٹیکس جمع نہیں کرایا گیا ہے۔ایف بی آر انٹیلی جنس ذرائع کا کہنا ہے کہ مصطفےٰ میمن نے ایان علی کو اگر یہ تحفتاً بھی فلیٹ دیا ہے تو ٹیکس ادا کرنا ضروری تھا۔ اس لئے اب دونوں کے معاملات کی بھی چھان بین کی جا رہی ہے۔