اسلام آباد(مانیٹرنگ ڈیسک) پاکستان پیپلز پارٹی کے رہنما قمرزمان کائرہ نے کہا ہے کہ جنرل راحیل شریف نے عوام کی توقعات کے مطابق درست فیصلہ کیا ۔نجی ٹی وی سے گفتگو کرتے ہوئے قمر زمان کائرہ نے کہا کہ پیپلز پارٹی آرمی چیف جنرل راحیل شریف کے فیصلے کا خیر مقدم کرتی ہے ،کمانڈو کا فیصلہ بہت اہم ہوتا ہے ، آرمی چیف نے بہت اچھی ذمہ داری سنبھالی انہوں نے عوام کی توقعات کے مطابق درست فیصلہ کیا۔یاد رہے کہ اس سے پہلے پیپلز پارٹی کے اہم رہنما اعتزاز احسن نے جنرل راحیل شریف کی مدت ملازمت میں توسیع کی مخالفت کی تھی۔