چارسدہ( نیوزڈیسک) پی ٹی آئی چیئرمین عمران خا ن نے کہاہے کہ دہشت گرد آسان اہداف کو نشانہ بنا رہے ہیں۔انہو ںنے کہاکہ باچا خان یونیورسٹی کا خود جائزہ لیں گے کہ خامیاں کہاں کہاں تھیں۔میڈیا سے گفتگو کرتے ہوئے کہاکہ پوری قوم دہشتگردی کے خلاف متحد ہے۔ امن کے دشمنوں کے خلاف جنگ پرسیاست نہ کی جائے ۔انہوں نے بندوقیں لیکر دہشتگردوں کے مقابلے پر آنیوالے شہریوں کی بہادری کو بھی سراہا۔ عمران خان نے حملے میں شہید ہونے والوں کے لواحقین سے تعزیت کا اظہار بھی کیا۔ایک نجی ٹی وی چینل کے مطابق عمران خا ن نے زخمیوں کی عیادت کی اورانکی جلد صحت یابی کےلئے دعا کی۔ اسپتال انتظامیہ کو بہترین علاج معالجے کی ہدایت بھی کی۔