اسلام آباد (ویب ڈیسک) پاکستان کسٹم انٹیلی جنس کی تاریخ میں پہلی بار ٹیکس چور بحری جہاز پکڑا گیا ہے تفصیلات کے مطابق دنیا بھر کے بہت سے ممالک میں بحری جہاز لانچوں چھوٹے جہازوں کے ذریعے اسمگلنگ کا دھندہ عشروں سے جاری ہے مگر پاکستان کو اسمگلروں نے ترنوالہ سمجھنے کی غلطی جوں ہی کی ڈائریکٹر جنرل کسٹم انٹیلی جنس اینڈ انوسٹیگیشن امتیاز احمد خان نے اپنےمخبرسے اطلاع ملتے ہی 90کروڑ روپے مالیتی اسمگل کئے گئے چھوٹے بحری جہاز (TUG) کو رنگے ہاتھوں قبضے میں لے لیا۔ کسٹم انٹیلی جنس نے جنگ کو بتایا کہ یہ بحری جہاز سنگا پور میں بنا تھا یہ تین منزلہ بحری جہاز ہے اسمیں 100 میٹرک ٹن کارگولایا لے جایا جاسکتا ہے یہ دو ہزار ماڈل کا بحری جہاز ہے اسکا نام شریف پائنیر ہے اسکی مالک ورلڈ گلوبل کمپنی ہے جو شریف پائنیر بحری جہاز دبئی سے کراچی کے قریب 9 کلو میٹر کھلے سمندر میں پکڑا گیا کیونکہ اسکی کسٹم ڈیوٹی اور دوسرے ٹیکس ادا نہیں کئے گئے تھے جو 10 کروڑ سے زیادہ بنتے ہیں اسکی جی ڈی (GOODS DECLRATION) بھی برآمد کر لی گئی ہے یہ بحری جہاز گہرے سمندر میں کھڑا ہوا تھا اور یہ پٹرولیم بردار بحری جہازوں کو سپورٹ دینے کا کام کرتا تھا۔ تیل بردار جہازوں کو گودی تک لے جاتا تھا۔ جب یہ پکڑا گیا اسوقت یہ ایم وی سن رائز بحری جہاز کو ٹو (TOW) کر رہا تھا یہ جب پکڑا گیا تو چرنا آئی لینڈ سے 3.6 ناٹیکل میل پر بلوچستان کے بحرہ عرب کے شمال مغرب میں موجود تھا ایف بی آر نے اس شریف پایئنیر جہاز پر ڈیوٹی ٹیکس جمع کرانے کی ہدایات دی تھیں۔