اسلام آباد ( نیوز ڈیسک )اہم اور ترجیحی منصوبوں کی مانیٹرنگ کے لئے وزیرا عظم سیکرٹیریٹ میں پرائم منسٹر پرفارمنس ڈیلیوری یونٹ ( پی ایم ڈی یو)قائم کر دیا گیا جبکہ وزیراعظم سیکرٹیریٹ کی جانب سے آٹھ ایس گروپ تشکیل دےئے گئے جو کہ 23 اہم ترجیحی منصوبوں اور مختلف سیکٹر میں وزارتوں کی کارکردگی کی دیکھ بھا ل کریں گے میڈیا رپورٹس کے مطابق وزیر اعظم سیکرٹریٹ کی جانب سے جاری ایک خط میں کہا گیا ہے کہ پرائم منسٹر پرفارمنس ڈیلیوری یونٹ ( پی ایم ڈی یو) کو یہ مینڈیٹ دیا گیا ہے کہ وہ ایسے منصوبوں کی نشاندہی کرے گی جو کہ اپنے مقررہ وقت میں مکمل نہیں ہورہے وزیرا عظم کی جانب سے تمام وزارتوں، محکموں،اور ڈویثرن کو ہدائیت کی گئی وہ ان منصوبوں سے متعلق تازہ ترین پیشرفت سے پی ایم ڈی یو کو وقتا فوقتاٰ آگاہ کرتے رہیں اور اس حوالے سے وزیر اعظم سیکرٹیریٹ وزارتوں کی کاکردگی کو بھی ماہانہ بنیادوں پر مانیٹر کر ے گی وزیراعظم سیکرٹریٹ نے آٹھ ایسے گروپس بھی تشکیل دےئے ہیں جو مختلف وزارتوں کی دیکھ بھال اور مختلف سیکٹر میں اہم ترقیاتی منصوبوں کی نگرانی کریں گے پہلا گروپ عدنان گیلانی کی سر براہی میں تشکیل دیا گیا ہے جو کہ وزارت پٹرولیم و قدرتی وسائل سے متعلقہ منصوبوں کی دیکھ بھال کرے گا ان منصوبوں میں پائپ لائن،ایل این جی کے تھری پاور پلانٹ،نادرن ساؤتھ پائپ لائن منصوبے،گوادر نواب شاہ پائپ لائن منصوبے،اور ایل این جی ٹرمینل شامل ہیں ۔ڈاکٹر شازیہ غنی کو وزارت پانی وبجلی، وزارت ریلوے،ایس بی پی، حنین مسعود کو پورٹس اینڈ شپنگ،پورٹ قاسم، اور نیلم جہلم ، عمر شبیر این ٹی ڈی سی، پی پی آئی بی سمیت ڈسکوز کے معاملات کی دیکھ بھال کریں گے اسی طر ح نادیہ اشرف نیپرا، اے ای ڈی بی اور اوورسیز سولر اور وائنڈ پراجیکٹس کو دیکھیں گی حنا اختر خان سند ھ اور بلوچستان میں حبکو پاور پراجیکٹس، اینگرو تھر پاور پراجیکٹس، اور ایس ایس آر ایل جبکہ عمر حمید کی سربراہی میں ٹیم وزارت مواصلات این ایچ اے،سی اے اے ، جی ڈی اے ، اور پاک چین اقتصادی راہداری ، اور گوادر ائیر پورٹ جیسے منصوبوں کی نگرانی کریں گی