چارسدہ (آئی این پی )چارسدہ کے علاقے پلاٹو کورونہ میں گھریلو تنازعے پر گھر میں گھس کر فائرنگ کر کے باپ اور بیٹے کو دو پوتوں سمیت قتل کر دیا گیا۔ پلاٹو کورونہ میں گھریلو تنازعے پر گھر میں گھس کر فائرنگ کر کے کمال نامی شخص کو باپ اور دو بیٹوں سمیت قتل کر دیا گیا۔ مقتول کی بیوی نے تھانہ سٹی میں ایف آئی آر درج کراتے ہوئے پولیس کو بتایا کہ مقتول کمال نے پانچ شادیاں کی تھی۔ اس کی ایک بیوی جو کہ افغانستان میں رہائش پذیر ہے اس کے بیٹے کامران اور بیٹی نے اس کے گھر میں گھس کر فائرنگ کی جس سے اس کا خاوند کمال، سسر اور دو بیٹے جاں بحق ہو گئے۔ پولیس نے لاشوں کو ڈسٹرکٹ ہیڈکوارٹرہسپتال چارسدہ منتقل کر دیا گیا جبکہ مقدمہ درج کر کے تفتیش شروع کر دی گئی ہے۔فائرنگ کے بعد ملزمان فرار ہوگئے۔ پولیس کاکہناہے کہ واقعہ جائیداد کے تنازع کی وجہ سے پیش آیا۔لاشوں کو ڈسٹرکٹ ہیڈ کوارٹرہسپتال منتقل اور مقدمہ درج کرکے ملزمان کی تلاش شروع کردی گئی ۔