پشاور(نیوز ڈیسک)داعش کے حوالے سے دنیا بھر میں مختلف خبریں گردش کر رہی ہیں ،ایک نئی ٰخبر کے مطابق شدت پسند تنظیم داعش نے افغانستان میں ایف ایم ریڈیو نشریات شروع کردیں جو پاکستانی علاقوں میں بھی سنی جارہی ہیں۔ایف ایم نائٹی چینل کو خلافت ریڈیو کے نام سے چلایا جارہاہے۔قبائلی علاقوں مہمند ایجنسی اور تحصیل حلیمزئی کے علاوہ مختلف اطراف میں اس ریڈیو کی نشریات صاف آواز میں سنی جارہی ہیں۔داعش کے اس ریڈیو نیٹ ورک پر 40منٹ تک پشتو زبان میں خطبہ دیاجاتاہے ، مقرر کی جانب سے غیر ملکی قوتوں اور ان کے آلہ کاروں کے خلاف جنگ کرنے کی ترغیب دی جاتی ہے۔