اسلام آباد(نیوزڈیسک)چوہدری نثار نے ن لیگ کے تمام وزراءکو مشکل میں ڈال دیا،چو ہدری نثا رنے قومی اسمبلی میں نئی روایت قائم کردی۔ ازخود اپنی وزارت کی ڈھائی سالہ رپورٹ ایوان میں پیش کرتے ہوئے دوسرے وزرا ءکو احتساب کےلیے میدان میں آنے کی دعوت دی۔ بولے کرپشن کے خلاف باتیں سب کرتے ہیں ، انہوں نے عمل کرکے دکھایا۔وزیرداخلہ چوہدری نثار نے کہاہے کہ حکومت پارلیمنٹ کو جوابد ہ ہے۔ تمام وزرا کی کارکردگی پر ایوان میں بحث اور غلطیوں کی نشاندہی ہونی چاہیے۔وہ سب سے پہلے وزارت داخلہ کی رپورٹ پیش کررہے ہیں۔انہوں نے اپنا رحمان ملک کے دور سے بھی موازنہ کیا، اورماضی کی کئی خامیاں گنوادیں ، اسلحہ لائسنس کار کارڈ جلنے پر شکوک و شہبات ظاہر کیے ، اور بلیک واٹر کا صفایا کرنے کا بھی دعویٰ کیا۔نیشنل انٹیلی جنس ڈائریکٹوریٹ کی فعالیت کےلیے وزیر داخلہ نے مزید دو تین ماہ کا وقت دیا۔ جس کا گزشتہ سال نیشنل ایکشن پلان میں اعلان کیا گیا تھا،تاہم ان کا کہنا تھا کہ ڈھائی ہزار سے زائد انٹیلی جنس شیئر کی گئیں جس سے کئی دہشت گردی کے کئی منصوبے ناکام ہوئے ، پہلے روز کئی دھماکے ہوتے تھے، اب ہفتوں مہینوں نہیں ہوتے۔