ہالا (نیوزڈیسک) NA-218 مٹیاری قومی اسمبلی نشست پر پی پی پارلیمنٹرین کے صدرمخدوم امین فہیم کے انتقال کے بعد خالی ہونے والی نشست پرضمنی الیکشن کے لیے امیدواروں کے کاغذات کی جانچ پڑتال،پی پی امیدوار مخدوم سعید الزماں پر وکیل کے معرفت آزاد امیدوار کی جانب سے انتہا پسندی کے الزامات،جمعرات کے روز الیکشن کمیشن کی جانب سے جواب طلب ،الزامات بے بنیاد ہیں جسے ثابت کریں گے۔مخدوم سعید۔تفصیلات کے مطابقNA-218مٹیاری قومی اسیمبلی نشست پر پی پی پارلیامینٹرین کے صدرمخدوم امین فہیم کے انتقال کے بعد خالی ہونے والی نشست پر 18جنوری کو ہونے والے ضمنی انتخابات کے سلسلے میں مٹیاری الیکشن دفتر میں امیدواروں کے کاغذات کی چھان بین کے سلسلے میںپی پی کے نامزد امیدوار مخدوم امین فہیم کے بھائی مخدوم سعید الزماں ہالا سے ریلی کی صورت میںپہنچے ان کے ہمراہ پی پی ایم پی اے مخدوم نعمت اللہ،مخدوم احمد الزماں، مخدوم فخر الزماں،سروری تنظیم کے ضلعی رہنما بچل مغل، محمد علی شاہ،اسلم پیرزادہ، ایڈووکیٹ قربان بھٹو دیگر بڑی تعداد میں موجود تھے جہاں آزاد امیدوارعبد الناصر میمن ،حاجی عبد الرزاق میمن ،اویس گل میمن الیکشن دفتر میںپہلے ہی موجود تھے جہاں آزاد امیدوار نے لوگوں کی موجودگی میں وکیل کے معرفت پی پی امیدوار مخدوم سعید الزماں پر انتہا پسندی اور کاالعدم تنظیم کو سپورٹ کرنے کے الزامات لگانے کے لیئے پی پی امیدوار مخدوم سعید الزماں کے لکھے کتاب بھی پیش کئے گئے،مخالف امیدوارنے مٹیاری الیکشن کمیشن دفتر میں کلرک اختر مستوئی پر پی پی کے حامی ہونے کا بھی الزام لگاکر کہا کے میرے کاغذات ہرگز ان کے حوالے نہ کئے جائیں یہ کاغذات کو غائب کردیتا ہے جس پر الیکشن کمیشن مٹیاری کے افسر سعید سومرو ،اعجاز انورچوھان نے دونوں امیدواروں کے مشترکہ رائے سے کل جمعرات کو تین بجہ لگائے جانے والے الزام پر پی پی امیدوار سے جواب طلب کیا دوسری طرف پی پی امیدوار مخدوم سعید الزماں نے میڈیا سے گفتگو کرتے ہوئے کہا کے مخالف امیدوار مجھ پر جھوٹے بے بنیاد الزامات لگارہے ہیں جس کا کوئی وجود نہیں ہے ثابت کریں گے کے لگائے جانے والے الزامات جھوٹ پر مبنی ہیں انہوں نے کہا کے انشا ءاللہ الیکشن میں کوئی مقابلہ نہیں ہوگا جیت ہمیشہ کی طرح انشا ءاللہ ابھی بھی پی پی کی ہوگی۔