کراچی(نیوزڈیسک)حساس اداروں نے آپریشن میں تیزی لانے کے ساتھ ساتھ فسادات میں ملوث دہشتگردوں کی نئی فہرست مرتب کی ہے، فہرست میں سیاسی ومذہبی جماعتوں کے 198دہشتگرد شامل ہیں۔ذرائع کے مطابق فہرست میں شامل 151ملزمان کا تعلق ایم کیوایم، 27کا مہاجرقومی موومنٹ سے ہے جب کہ اس فہرست میں کالعدم سپاہ صحابہ کے7، گینگ وارکے4، جئے سندھ کا ایک کارکن شامل ہیں ذرائع کا کہنا تھا کہ فہرست میں موجود دہشتگرد لسانی، مذہبی اور قومیت کی بنا پر قتل کی وارداتیں کرتے ہیں۔حساس اداروں کی جانب سے بنائی گئی فہرست میں شامل متعدد ملزمان بھتہ خوری میں بھی ملوث ہیں، جب کہ فہرست میں ملزمان کے خلاف درج مقدمات کی تفصیل بھی شامل ہے، ذرائع کا یہ بھی کہنا ہے کہ فہرست میں شامل ملزمان کے خلاف جلد گھیرا تنگ کرلیا جائے گا اور فہرست میں موجود ملزمان کو جہاں اور جیسے کی بنیاد گرفتار کرلیا جائے گا۔