نوشہرہ (نیوز ڈیسک) پاکستان کے شمال مغربی صوبے خیبر پختونخوا کے ضلع نوشہرہ میں نامعلوم دہشت گرد ایک گرلز سکول پر فائرنگ کرکے فرار ہوگئے تاہم واقعے میں کسی جانی نقصان کی طلاع نہیں ۔ پولیس کے مطابق نامعلوم حملہ آوروں نے نوشہرہ کے علاقے مصری بانڈی میں واقع گورنمنٹ مڈل گرلز اسکول کو نشانہ بنایا۔ پولیس نے بتایا کہ حملہ آوروں کی تعداد جو کہ فائرنگ کرنے کے بعد وہاں سے فرار ہوگئے ۔ پولیس حکام نے بتایا کہ ملزمان کی تلاش کیلئے متعلقہ علاقے کو گھیرے میں لے کر سر چ آپریشن شروع کردیاگیاہے ۔ یاد رہے کہ گذشتہ ہفتے ضلع چارسدہ میں بھی نامعلوم دہشت گرد دو سکولوں پر فائرنگ کرکے فرار ہوگئے تھے تاہم اہل علاقہ اور سکیورٹی گارڈز کی بھرپور جوابی کارروائی سے دہشتگرد فرار ہوگئے تھے ۔