لاہور(نیوزڈیسک)مسلم لیگ ن کے رہنما خواجہ سعد رفیق نے کپتان کے انتخابی فہرستوں سے ووٹ نکالنے کے الزام کو مسترد کر دیا اور کہا کہ عمران خان دھاندلی فوبیا سے باہر آ جائیں۔این اے 122میں شکست کے بعد کپتان نے حلقے کی ووٹر لسٹوں سے آخری لمحات میں ووٹ نکالنے کا معاملہ اٹھایا جسے مسلم لیگ ن نے مسترد کر دیا۔خواجہ سعد رفیق نے نجی ٹی وی سے بات کرتے ہوئے کہا کہ ووٹر لسٹوں سے آخری وقت میں ووٹ نکالنا ممکن ہی نہیں۔عمران خان فوبیا سے نکلیں اور ایشوز کی سیاست کریں۔انہوں نے کہا کہ عمران خان کو شکست تسلیم کرنی چاہئے۔ووٹر لسٹوں کا معاملہ انہیں شکست سے قبل اٹھانا چاہئے تھا۔عمران خان کی سیاست میں نہ مانوں والی ہے۔